[整錯再POST過]
[中文解讀星期三]
睇見篇新聞描述咁多位DSE雞雞嘅口試表現，真係唔知好嬲定好笑(雖然大家都知報紙雜誌好興報憂不報喜來攻擊中文科) 。奈何，我對DSE口試真係唔熟。不過，今朝同補習兵兵傾電話，發現佢對小組討論有啲研究，中文oral仲要拎到5**。所以，我今日就來個借花敬佛，分享吓佢嘅口試心得
---------------------------
中文口語小筆記：
1.考評局：考生一次發言"不宜"講多過一分鐘(2014,hkeaa)
2.如何解決壟斷發言：呢位同學，相信大家對你既論點都相當了解，唔知你介唔介意比其他較少發言既同學發表下意見呢？
(唔好怕比人扣風度分。一來，你促進、協助討論會有分加；二來，如果因為壟斷而令你發言不足，奶野果個係你)
3.首輪發言最好講五十多秒。最緊要係表明自身立場，唔駛刻意強求回應上家。當然，若發現上家界題錯誤，請試圖重新定義。否則，一錯方向就會全隊離題，一齊肥佬。
4.即使係競爭性題目(冇要求你達成共識果啲) ，考評局亦希望考生做到「求同存異，收窄分歧」，而不是強求決一高下。所以，千萬唔好｢贏咗場交，輸咗粒星｣。
5.評論題(試評論以下看法)請注意用詞。評論事件有好多相對性字眼，如好與壞、對與錯、全面與偏頗等。當中部分字眼好易混淆。例如「好」唔等於「對」
E.G 劫富濟貧乃善事，但法律上確實不當。
假若諗唔到字眼去評論，建議用返「同意/不同意」去作評論。冇錯，效果相對冇咁好，但至少立場鮮明，評論過程較難出錯。
6.小心「必要」﹑「唯一」﹑「最」等發問字眼。喱種看似最唔起眼既用字，偏偏係牽一髮，動全身。唔好好定義的話，必死無疑！
7.題目如果叫你「三擇其一」，你必須按題目進行，切勿自把自為(例如將三者合而為一﹑提出第四選擇等等)。不過，若果題目冇限死選擇，調和歧見﹑提出新方案乃求同存易之舉，絕對可取。
8.唔駛刻意做總結，真心。
9.考評局講明，疊聲(同時發言) 會扣分，小心。
10.打比喻、引古語等，做一兩次就夠。千祈唔好不停做，好假。
11.打比喻/引古語，目的係幫你申述，而唔係為用而用。
12.如果對個例子/比喻/古語理解不足，請你乖乖地唔好用，否則你會仲_過記錯莎士比亞四大悲劇，正宗衝出來_ 。
最後，請記住小組討論想考你嘅嘢：
一.清楚地表達並闡釋自身立場
二.如何求同存異，收窄分歧
-----------------------
睇完佢篇嘢，真心覺得oral真係唔易考(分分鐘我都拎唔到5**)。亦覺得呢位兵兵走去補小學生，真係嘥左佢。
#佢表示考oral仲煩過溝女 #BenSir #BenSir同你學教仔
圖片來源：蘋果日報
Search